Dakop ang isa ka Street Level Individual sa ginkasa nga drug buy-bust operation sa Brgy. Matagnop, Dao, Capiz.
Ang subject person amo si alyas “Langlang,” yara sa legal nga pang-edaron, kag residente man sang nasambit nga banwa.
Sa interview sang Bombo Radyo kay Police Captain Rey Dordas, Hepe sang Dao Municipal Police Station, iya ginpahayag nga ang nasambit nga operasyon ang ginpangunahan sang Street Drug Enforcement Team (SDET) sang Dao Municipal Police Station kaupod ang mga katapo sang Dumarao Municipal Police Station, Cuartero Municipal Police Station kag Capiz Provincial Drug Enforcement Unit (PDEU).
Suno kay Dordas, nakuha sa paghinakop sang subject person ang apat ka heat-sealed transparent plastic sachets nga ginapatihan shabu, P500 nga nga buy-bust money, kag pila ka iban pa nga non-drug items.
Sa subong, yara na sa kustodiya sang Dao Municipal Police Station ang subject person nga magapangatubang sang kaso nga paglapas sa Republic Act 9165 ukon ang Comprehensive Dangerous Drugs Act of 2002.
