Nagkampeon ang Strong Group Athletics-Pilipinas sa 43rd William Jones Cup.
Ginlutos sang Pilipinas ang Chinese Taipei-A sa pinaagi sa overtime sa iskor nga 83-79.
Sa last quarter, napasulod ni Kiefer Ravena ang three-points sa nabilin nga 13.2 seconds agud makuha nila ang 73-71 nga abanse apang napasulod sang Chinese Taipei ang bola pinaagi kay Brandon Gilbeck sa 7.6 segundo kag overtime ang hampang.
Pagsulod sang overtime, nangin agresibo ang bayluhanay sang depensa tubotbo nangin madinalag-on ang Pilipinas sa hampang.
Ini ang una nga titulo sang Strong Group sang mag-first runner up ang mga ini sa Dubai International Championship sang napaslawan sila sa Al Riyad sa final.
Ginkilala nga most valuable player kag kalakip sa Mythical Five si Chris McCullough nga nagpakit sang 12 points.
Nagpanguna sa kadalag-an sang SGA si DJ Fenner nga may 15 points, siyam nga rebounds kag apat ka steals samtang si RJ Abarrientos ang may yara sang 14 points.
Ang Strong Group ang pang-pito nga team sa Pilipinas nga nagkampeon sa Jones Cup kag sadtong 2019 ang ulihi nga kampeonato nga nakuha sang Mighty Sports.
