ROXAS CITY – Ginakabig nga madugay na nga problema sang mga pumuluyo sa lugar ang subject person sa ginpatigayon nga drug buybust operation sa Urban, Barangay Baybay, Roxas City.
Mahibaluan nga natigayon nga madakpan sang katapo sang Philippine Drug Enforcement Agency (PDEA) kaupod ang katapo sang Roxas City Police Station ang subject person nga ginkilala kay Peter Nino Nuevo alyas Slide 42-anyos kag residente sang lugar kag live in partner sini nga si Christine Blanco apang natigayon nga makapalagyo.
Sa interview sang Bombo Radyo kay Barangay Kagawad Cesar Ibañez, ginpahayag sini nga madamo na sila sang nababaton nga reklamo batuk kay Nuevo bangud sa illegal sini nga aktibidad.
Nakuha sa posesyon ni Nuevo ang 9 ka sachets sang ginapatihan shabu, P800.00 nga kwarta sa nagkalain-lain nga denominasyon, 1 unit sang cellphone, kag mga drug paraphernalia’s.
Suno sa Kgwd. aminado naman ang nadakpan nga nagagamit ini kag wala ini suno diri sang iban nga palangitan-an kundi ang pagduso sang illegal nga droga.
Panugyan sini sa pumuluyo sa lugar nga kung may nahibaluan nga kasubong sini nga aktibidad gilayon nga ipahibalo sa ila barangay agud gilayon nga mahatagan sang aksyon kag matapna.
Sa karun, padayon ang hot pursuit operation sang mga kapulisan batuk kay Blanco.
