Nagpatigayon sang Suicide Prevention Forum ang katapo sang Local Government Unit kag Hospital Doctors sa subong nga aga, Septyembre 10, 2024 sa isa ka hotel sa syudad sang Roxas.
Base sa World Health Organization Data on Suicide, masobra 700,000 nga mga tawo ang napatay bangud sa naga-utas ang mga ini sang ila kaugalingon nga kabuhi sang tinalikdan nga tuig 2019. Samtang, 58% naman sa mga nag-suicide ang nagapang-edaron sang 50-anyos sa amu man nga tuig.
“Suicide was the fourth leading cause of death in young people aged 15-19 years for both sexes” samtang, base naman sa data sang Police Regional Office 6 sa Suicide, humalin Enero tubtob Hunyo 2023 may kabug-usan nga 119 ang total sa amu nga kaso, nga kun sa diin, ang probinsya sang Aklan ang may yara sang 25 ka kaso, Antique, 14; Capiz, 21; Guimaras, 12; Iloilo, 52; Negros Occidental, 53; Bacolod City, 9; Iloilo City, 13.
Ginapahayag nga pila sa mga rason base sa Police Regional Office 6 Data, ginalantaw nga mga rason sini amu ang mga masunod:
- Jealousy or Love Conflict
- Unable to get high grades
- Personal or Financial Problem
- Family Problem
- Nervous Breakdown
- Anxiety
- Depression
Bangud sini, ginapakamaayo sang Department of Health (DOH) nga kun may yara man sang pila ka mga problema, mas maayo nga mag pakig-isturya sa mga abyan kag hibaluon ang mga butang nga posible himuon para malikawan ang mga kasubong sini nga buluhaton.
