ROXAS CITY CAPIZ – Nagapabilin nga bastante ang suplay sang karne sang baboy, baka, kag karabaw sa Teodoro Arcenas Trade Center (TATC) ilabi na subong nga nagahilapit ang Paskwa kag Bag-ong Tuig.
Sa interview sang Bombo Radyo kay kap Roberto Ross “Maaw” Roldan, ginpahayag sini nga madahog na sa karun ang pagbaklanay sang karne sa merkado ilabi na nga kadam-an subong ang nakabaton sang tagsa ka mga bonuses.
Suno kay kap Maaw, masiling sini nga mas madahog kag dako ang ila kita subong nga holiday season kung ikumparar sadtong tinalikdan nga tuig sa kaangay nga panahon.
Pahayag pa sini nga sa bulig man sang mga import nga karne nagikan sa Bohol, Masbate kag iban pa nga probinsya ginpasiguro sini nga magapabilin nga bastante ang suplay kag wala sang kinahanglan nga ikabalaka ang mga konsumedor.
