ROXAS CITY – Bastante ang suplay sang mga panakot kag mga utanon diri sa syudad sang Roxas partikular sa Burgos Talipapa.
Ini ang ginpakigbahin sang isa ka vendor nga si alyas “ Jingjing” sang mapakig-angutan sang Bombo Radyo.
Suno diri, daku ang nangin deperensya sang mga presyo sang balaklon subong ikumparar sang mga nagliligad bangud sa pandemya, apang wala ini nangin epekto sa ila suplay.
Ginsiling sang Vendor, may nangin epekto man sa ila ang paghalin sang iban nga vendors gikan sa TATC kun sa diin nagdamo ang ila kakumpetensya.
Bangud diri, nangin matumal na ang ila nga mga benta kag nagaba-se na lamang ini sang iya nga kita sa mga nangin suki nga nagabalik.
Gikumpirmar man ni Jingjing nga bastante pa ang mga suplay sang mga balaklon, ilabi na ang mga panakot kag pila ka mga utanon nga iya ginabaligya apang may yara lamang ini sang mga pagbag-o sa presyo.
