Nagdesisyon na ang Korte Suprema (SC) En Banc nga ibasura ang mosyon sang Kamara nga nagatinguha nga baliskaron ang desisyon sang Hulyo 25, 2025 nga nagadeklarar nga unconstitutional ang impeachment batok kay Vice President Sara Z. Duterte.
Ginpamatud-an sang SC nga ang ikaapat nga reklamo sa impeachment nga ginpadala sa Senado sang Pebrero 5, 2025 ginadumilian sa idalom sang Article XI, Section 3(5) sang Konstitusyon.
Wala naman nagpasakop si Associate Justice Alfredo Benjamin Caguioa, samtang naka-leave si Associate Justice Maria Filomena Singh.
Ginklaro man sang Sumpreme Court nga wala nalakip sa Order of Business ang una nga tatlo ka mga reklamo sa sulod sang gintalana nga napulo ka session days.
Ginhatagan man pagtamod sang Sumpreme Court ang kinalain sang duha ka pamaagi sang impeachment: ang una ang naga-agi sa proseso sang Committee on Justice, samtang ang ikaduha ginapatuman gilayon kun may yara sang pirma sang one-third sang mga katapo sang Kamara.
Ginpabakod sang Sumpreme Court nga ang nagakaigo nga proseso sa impeachment nagapabilin sa lugar, apang may yara ini sang pinasahi nga kinaiya kag ang bug-os nga pagbista nagakatabo sa Senado.
Ang resolusyon ginapatuman gilayon pagkatapos sang digital nga service sa tanan nga partido.
