-- ADVERTISEMENT --
Magapatuman ang Korte Suprema sang work-from-home arrangement para sa ila mga empleyado sa Martes, Agosto 26, 2025 bangud sa ginapaabot nga mabaskog nga pag-ulan.
Suno sa tigpamaba sang SC nga si Atty. Camille Ting, isa ka skeletal workforce ang magapabilin sa pila sang ila mga opisina.
Lakip diri ang Fiscal Management and Budget Office; Cash Collection and Disbursement Division; Judicial Records Office at Docket Receiving Section.
Una na nga ginpauntat sang Department of the Interior and Local Government (DILG) ang klase sa mga opisina sang gobyerno kag eskwelahan sa Metro Manila kag 18 ka mga probinsya bangud sa ginalauman nga epekto sang southwest monsoon kag Low Pressure Area.
