Suspek nga nagpanglabo sa iya pakaduha, hilway na sa karsel sang Cuartero MPS

ROXAS CITY – Ginhilway na sa karsel sang Cuartero MPS ang suspek sa pagpanglabo sa iya pakaduha sa Barangay Malagab-i, Cuartero, Capiz.

Ini matapos nagtakup na ang reglementary period of detention sini.

Matandaan nga ginkilala ang suspek kay Marjun Ireneo Cabison, 29-anyos, samtang ang biktima ang ginkilala kay Billy Pimentel Baltazar, magpakaduha kag residente sang nasambit nga barangay.

Nahibaluan nga nagpadulong ang suspek sa balay sang biktima agud kumprontahon angut sa pagpahamtang sang kudal sang biktima sa alagyan padulong sa balay sang suspek.

Apang, nagpatunga ang kumosyon sa ila kag hinali ginlabo sang suspek ang ita pakaduha nga naigu sa ilong.

Ginahulat pa kun magapasaka sang kaso ang pamillya sang biktima batuk sa suspek.