BAYBAY ROXAS CITY – Nagpositibo sa ginpatigayon nga drug test ang suspek nga lalaki nga nagsulod sa puluy-an sang isa ka residente sa Sitio San Juan, Barangay Baybay, Roxas City.
Ini ang ginkumpirmar ni Punong Barangay Erwin Oroceo sang Barangay Babay, sang mainterview sang Bombo Radyo.
Suno kay Oroceo, sa ila pagpangusisa sa suspek ginpahayag sini nga palamangkutanon man suno diri sa iya kun ngaman nakalab-ot ini sa sulod sang puluy-an sang biktima.
Mahibaluan nga indi lamang ini ang una nga tion nga ginhimo sang susek bangud una na ini nga nagpangsulod sa isa man ka puluy-an sa ila barangay.
Ginpahayag man ni Oroceo nga matawhay nga nag-upod ang suspek agud kun tani magpangayo sang pasaylo sa biktima apang napaslawan ini.
Dugang pa sini nga yara na sa listahan sang Barangay Anti-Drug Abuse Council (BADAC) ang amu nga suspek.
Panugyan ni Oroceo sa mga pumuluyp nga indi maghatag sang kumpiyansa bangud sa subong nga tyempo indi na mapaktan ang paminsaron sang iban.
