Strikto sa karon ang gobyerno sang Sweden sa pagpanag-iya sang mga pusil.
Ginhimo ang anunsiyo pila ka adaw matapos ang madugo nga pagpangluthang sa isa ka buluthuan nga ginkapatay sang pito ka babayi kag apat ka lalaki.
Ang 35-anyos nga suspek nga si Rickard Andersson ang may yara sang apat ka legal nga rifles kun sa diin tatlo diri ang ginagamit sini sa pagpangluthang.
Suno sa mga mamalidha sa Sweden, magapasa sila sang mga layi agud mapabaskog ang paghugot sa pagdumili sang pagbakal sang mga armas ilabi na ang mga mabaskog nga sahi sang pusil.
Dugang pa ni Prime Minister Ulf Kristersson, pagasiguruhon sang gobyerno nga ang magabakal sang mga pusil ang mga dapat lamang nga magpanag-iya sang mga ini.
Base sa datus nila nga halos 600,000 nga mga Swedes sa masobra 10.5 milyon nga populasyon sang pungsod ang gapanag-iya sang mga pusil.
Matandaan nga ginakabig sang gobyerno sang pungsod nga ang natabo nga pagpangluthang sang damlag lang ang ginakabig sang gobyerno nga pinakamalala nga hitabo sa kasaysayan sang Sweden.
