Nag-ugyon na ang Syria kag Israel nga magapatigayon sang ceasefire ukon untat-lupok.
Ginkumpirmar ni US Ambassador to Turkey Tom Barrack nga ang nasambit nga kasugtanan ang ginsuportahan sang Turkey, Jordan kag iban pa nga kaiping nga pungsod.
Ginhingyo man sang US envoy ang mga Druze, Bedouins kag Sunnis nga ibutang ang ila mga armas kag magbuylog sa iban nga mga minorya sa pagtukod sang bag-o kag nagahiusa nga Syria para sa kalinong kag kauswagan upod sa mga kaiping nga pungsod.
Una diri, ginpahayag sang Israel nga gintugutan sini ang Syrian forces sang limitado nga access sa Suwayda sa southern Syria sa masunod nga duha ka adlaw.
Ang ceasefire natabo pagkatapos nga naglunsar sang airstrikes ang Israel sa Syria sang Miyerkules, nga ginaalegar agud amligan ang Druze, isa ka relihiyoso nga minorya sang mga Arabo.
Nagluntad ang inaway sa tunga sang mga pwersa sang gobyerno sang Syria kag sang mga Druze, nga nagpatay sang masobra 300 ka tawo halin sang pagkapukan sang rehimen sang ginakabig nga diktador sang Syria, nga si Bashar al-Assad.
