Taal volcano, liwat nga nagka-phreatomagmatic eruption – Phivolcs

Naliwat subong nga adlaw ang minor phreatomagmatic eruption sang Taal volcano.

Nabalhag ini kaina sa takna alas-11:32 sang udto kag nagdugay sang apat ka minute.

Suno sa Phivolcs, nagdangat sa 2,000 metro ang taas sang ginbuga nga plume ukon sungaw halin sa main crater sini.

Sa pihak sini, nagapabilin gihapon ini sa Alert Level 1 Status ang Bulkang Taal.

Gin-abisuhan ang mga residente nga malapit sa lugar nga mangin handa kag alerto sa banta sang pag-alburoto sang bulkan.

Mangin ang private volunteer groups, nagpahayag na man sang kahandaan nga magbulig para sa mga kinahanglan mag-evacuate kun maglala ang sitwasyon sa nasambit nga bulkan.