Ginpadala na sang Taiwan ang puwersa sini, kadungan sang anunsiyo sang China nga pagpatigayon sang live-fire drills sa guha sang isla, suno sa Taiwan defense ministry.
Ginkondena man sang Taiwan ang nasambit nga exercises sang China bilang delikado.
Suno sa ministry, nagdeploy ang China sang 32 ka mga aircraft sa palibot sang Taiwan bilang parte sang joint combat drill sini kag ginanunsiyo ang pagpatigayon sang live-fire exercises sa lugar nga yara sa 40 nautical miles (NM) ang kalayuon nagikan sa nabagatnan nga bahin sang self-ruled island.
Apang, ginbalusan naman ini sang Taiwan pinaagi sa pagpadala sang ila sea, land, kag air assests agud mangin alerto, mabantayan kag mabatuan sang instakto ang exercises sang China.
Pahayag sang Taiwan defense ministry, ginlapas sang People’s Liberation Army sang China ang international norms pinaagi sa pagtalana sang drill zone sa kalayuon nga 40 NM nagikan sa baybayon sang Kaohsiung kag Pingtung, kung sa diin igapatigayon sini ang live-fire exercises nga wala man lang sang pauna nga paandam.
Wala lamang ini suno diri nagresulta sang delikado sa kaluwasan sang international flights kag vessels sa kadagatan kundi hayag nga probokasyon man ini sa seguridad kag stability sa rehiyon.
Ang pagpatuman sang deployment sang China sa mga asset sini sa palibot sang Taiwan sa tunga sang padayon nga pagpang-ipit sang pungsod nga kabahin sang ila
teritoryo ang Taiwan, butang nga hugot nga ginpamalabagan sang Taipei.
