Ginatugyan na sang Tapaz Municipal Police Station sa Philippine Army ang imbestigasyon sa brutal nga pagpatay kay Corporal Frederick Villasis sang mga katapu sang terorista nga NPA sa Sitio Owa, Barangay Lahug, Tapaz.
Ginpahayag ni Police Major Leomindo Tayupon, hepe sang Tapaz PNP may nag-imporma sa ila nga ginbangga-an ang ginamaneho nga motorsiklo kag gindala sang ginabulubanta 40 ka mga NPA members si Villasis samtang wala ginatandog ang backrider sini nga si Kagawad Analyn Giganto.
Gilayon man sila nga nagpakig-angut sa Local Government Unit sang Tapaz para magpangayo sang bulig.
Nahibaluan nga nagpakig-angut kag naghinyo sila sa Philippine Army nga kun mahimo makasulod sa ginluntaran sang krimen, apang wala sila ginpahanugutan sang militar.
Samtang ba-se sa report nga ginpalab-ot sa ila nga nakita ang bangkay sang biktima makaligad ang pila ka oras matapos ini gin-abduct sang mga NPA.
Nakita si Villasis nga nagahapa kag nakagapos ang kamot sa iya likod kag madamo sang gaub.
May pilas man ini sa iya dughan nga tuga sang pagpangluthang.
Ginpahayag nga ginsunog pa ang ginamaneho nga motorsiklo sang biktima.
