Gin-anunsyo sang Department of Agriculture (DA) nga magapasaka ini sang taripa sa mga imported nga bugas umpisa Enero 1, 2026.
Ini samtang nagapreparar ang gobyerno sa pagbalik sang rice imports sa masunod nga tuig nga sa subong suspendido agud maproteksyunan ang kita sang mga local rice farmers sa tunga sang wet harvest season.
Suno kay Agriculture Secretary Francisco Laurel Jr., ang pagtaas sang taripa nagapakita sang pila ka mga realidad lakip na ang bag-o lang nga pagnubo sang balor sang piso kag ang posibilidad sang pagtaas sang presyo sa pangkalibutanon nga merkado sa tion nga magsulod liwat ang Pilipinas sa merkado ukon mag-import sang bugas.
Ang tanan nga kargamento sang imported nga bugas ginalauman nga maga-abot sa tunga-tunga sang Pebrero agud masiguro ang makatarunganon nga presyo sa farmgate sa pagsugod sang dry harvest season kag maprotektahan ang mga lokal nga manugpatubas sang palay.
Magluwas diri, dulaon man sang DA ang kinaandan nga napulo ka porsyento nga downpayment nga kinahanglanon para sa pag-isyu sang Sanitary kag Phytosanitary Import Clearances.
