Patay ang Tatlo ka mga trabahador sa poultry farm matapos gin-alegar na-suffocate sa sulod sang septic tank sang isa ka farm sa Misamis Oriental sang Martes, Disyembre 30, 2025.
Ginpahayag nga natabo ang trahedya sang aksidente nga nahulog sa tangke ang pliers nga ginatinguhaan nga kuhaon sang isa sa mga biktima.
Base sa imbestigasyon sang mga otoridad, aksidente nga nahulog sa septic tank ang isa ka pares sang pliers nga ginauyatan sang farm manager samtang nagahulat sila nga magnubo ang wastewater level gikan sa tangke.
Apang antes pa man nahubas ang mahigko nga tubig sa sulod, ginpahayag nga nagsulod sa septic tank ang una nga biktima agud kuhaon ang nahulog nga plais. Apang, nalipong ini kag nadulaan sang animo bangud sa toxic gas kag kakulang sang oxygen sa sulod.
Sunod nga nagsulod sa septic tank ang 43-anyos nga trabahador agud luwason ang farm manager apang nadulaan man ini sang animo sa sulod.
Sang ulihi, naglumpat sa septic tank ang anak sang trabahador agud buligan ang iya amay, apang nasuffocate man ini.
Ginguba naman sang iban nga farm workers ang concrete wall sang septic tank agud mahilway ang tatlo kag gilayon nga dal-on sa ospital. Apang gindeklarar nga dead on arrival sa ospital ang mga biktima.
