ROXAS CITY -Arestado ang tatlo ka mga persona matapos nga nadakpan sa ginkasa nga drug buybust operation sang Station Drug Enforcement Team sang Roxas City Police Station kag Philippine Drug Enforcement Agency sa Capricho II Barangay Tanque, Roxas City.
Ginkilala ang mga nadakpan nga sanday Cyril Delos Santos alyas Adong, 35-anyos, residente sang nasambit nga lugar, Manilyn Bulay 39-anyos, residente sang Barangay Dayao kag Floresto Dogelio Jr, 39-anyos, residente sang Ilaya, Maayon.
Narekober sa tatlo ka mga nagkaladakpan ang 5 ka mga plastic sachets sang ginapatihan shabu, P1,000 nga buybust money, isa ka unit sang cellphone kag mga drug paraphernalia.
Natalana nga pasakaan sang panumbungon ang tatlo ka mga nagkaladakpan sa paglapas sa Republic Act 9165 ukon Dangerous Drugs Act of 2002
