Ginpatawag sang mga opisyal sa Barangay Cagay ang tatlo ka mga suspek sa pila ka insidente sang kinawatay sa Roxas City.
Nahibaluan nga mag-abyanay ang mo nga mga suspek nga residente man sang nasambit nga barangay.
Sa interview sang Bombo Radyo kay Punong Barangay Arturo A. Aragon, nagpadala na ini sang summon letter sa amo nga mga suspek agud ipaatubang sa complainant nga taga-Brgy. Dayao, Roxas City.
Suno kay Aragon nga natumod ang mga ini sang complainant nga ila ginkawatan sa Dayao.
Gintuad pa sini nga sila man ang suspek sa kinawatay sa iban nga Barangay diri sa syudad sang Roxas partikukar sa Milibi kun sa diin nabilin pa ang ila service nga tricycle.
Suno kay Aragon nga nagapakuno-kuno ang mga ini nga nagapamakal sang scrap apang kadungan sang ila pagpang-scrap, naga-monitor ang mga ini sang balay nga ila pagakawatan kag ginabaligya ang mga pagkabutang nga ila makuha.
Ginpasalig man sini nga mahatagan sang nagakaigo nga aksyon kag mapasakaan sang panumbungon ang amo nga mga suspek.
