Patay ang tatlo ka mga pulis lakip na ang isa ka babayi sang ginluthang-patay sang isa ka staff sergeant sa Negros Oriental pasado las 9 kagab-i.
Ang biktima amo sanday Police Captain Jose Edrohil Cimafranca Chief of Police sang Sibulan Municipal Police Station, Police Senior Master Sergeant Tristan Chua, Patrolman Rey Albert Temblor kag Shiela Mae Dinanao.
Samtang, ang suspek naman ginkilala kay Police Staff Sergeant Bonifacio Saycon nga nag-surrender man matapos ang isa ka oras nga pagpalagyo.
Base sa pauna nga imbestigasyon nagresponde ang tatlo ka mga pulis sang nakabaton ang mga ini sang report nga gintiro ni Police Staff Sergeant Saycon si Shiela Mae Dinanao.
Sang nagapabalik na ang mga ini sa police station dala ang suspek nga si Saycon nga ila kaangay man nga pulis. Ginpahayag nga didto na natabo ang pagpangluthang-patay sang suspek sa tatlo ka mga kapulisan.
Padayon sa karon ang ginapatigayon nga imbestigasyon agud matul-id ang matuod nga natabo.
