Roxas City – Nagpablotter ang isa ka 35 anyos nga technician finance consultant matapos ginaalegar ginpahog sang isa ka collector sang nasambit nga korporasyon sa Hemingway Street, Barangay 11, Roxas City.
Ginkilala ang tagreklamo kay Resty Sotero, 35 anyos sang Barangay Milibili sining siyudad.
Aminado si Sotero nga may yara sila sang daan nga hiligut-anon sang collector nga si Jerry Gallenero sang Barangay San Jose sining siyudad.
Nahibaluan nga samtang yara sila sa atubang sang opisina nag-angkon sang komosyon sa tunga ni Sotero kag Gallanero.
Apang, madasig naman sila gintambagan sang ila man kaupdanan sa trabaho.
Samtang, ginaalegar sang biktima, nga nakabaton ini sang impormasyon gikan sa kaupdanan nga indi anay magkadto sa opisina bangud yara ang suspek kag ang grupo sini nga posible makatuga sang gamo.
Bangud diri, ginpakamaayo na lamang sini nga iparekord sa pulisya ang insidente
