The Corrs, liwat nga maga-concert sa pungsod

Gin-anunsiyo sang Irish band nga The Corrs ang ila pagbalik sa Pilipinas.

Sa social media accounts sang grupo, nagpost ang mga ini sang ila 2-night’s concert nga nakatalana nga pagahiwaton sa Araneta Coliseum sa palaabuton nga Pebrero 15 kag 16, 2025.

Magasugod ang pagbaligya sang tickets sa masunod nga semana.

Ang grupo ang ginakalakipan sang mag-ululutod nga Andrea, Sharon, Caroline kag Jim.

Sang tinalikdan nga tuig, ginhiwat sang mga ini ang ila concert sa pungsod matapos ang halos duha ka dekada.

Pila sa mga ginpasikat nga ambahanon sang grupo ang “Breathless”, “Runaway”, “What Can I Do” kag madamo nga iban pa.