‘The Walking Dead’ actress Kelley Mack, nagtaliwan na sa edad nga 33

Nagtaliwan na ang Hollywood actress nga si Kelley Mack sa edad nga 33.

Suno sa iya pamilya, malinong nga nagtaliwan ang aktres nga si Kelley Klebenow sa iya puluy-an sa Cincinnati.

Na-diagnose siya nga may sahi sang tumor nga ginatawag Glioma, nga nagaapektar sa utok kag spinal cord.

Ang aktres kilala sa iya papel sa post-apocalyptic zombie drama nga “The Walking Dead.”

Nagtapos siya sa Hinsdale Central High School kag nakakuha sang bachelor’s degree sa cinematography gikan sa Chapman University Dodge College of Film and Media Arts sa Orange, California.