Nakabawi ang Oklahoma City Thunder batuk sa Indiana Pacers sa Game 2 sang NBA Finals.
Nagtakop ang hampang sa score nga 123-107 pabor sa Thunder.
Ginpatigayon ang hampang sa homecourt sang Thunder sa Paycom Center, Oklahoma City.
Sa 1st, 2nd, kag 3rd quarter, abanse ang Thunder sa score nga 26-20, 33-21, kag 34-33.
Apang sa 4th quarter, abanse ang Pacers sang 3 puntos sa score nga 30-33.
Nangin dako nga liyabe sa kadalag-an sang Thunder si Shai Gilgeous-Alexander (34 points), nag-amot man sanday Alex Caruso (20 points), kag Jalen Williams (19 points).
Samtang, ginkulang naman ang 17 points ni Tyrese Haliburton, 16 points ni Myles Turner kag 15 points ni Pascal Siakam agud magdaog ang ila team.
Patigayunon ang Game 3 sa Huwebes, Hunyo 12 (8:00) sa homecourt naman sang Pacers sa Gainbridge Fieldhouse, Indianapolis, Indiana.
