-- ADVERTISEMENT --
Nagpabombo ang isa ka residente sang Barangay Baybay, Roxas City, matapos nga ginapahayag nga ginkawatan ang iya nga tiangge.
Sa interview sang Bombo Radyo kay Nema Villaruz, tag-iya sang nasambit nga tindahan, iya ginpahayag nga ang mga nadula sa iya nga paninda amo ang instant noodles, biscuits kag iban pa nga baligya nga may kabug-usan nga kantindad sa masobra P2,000.
Suno kay Villaruz, ginreport na niya ang insidente sa barangay agud mahibaluan ang natabo.
Dugang pa sang natungdan, plano man sini nga magpasaka sang blotter report sa kapulisan agud opisyal nga marekord ang insidente kag mabuligan sa pag-usisa sa amo nga insidente.
