Ginkaakig sang mga fans halin sa India sang American rock band nga Coldplay bangud sa taas sang presyo sang tickets sini.
Magahiwat sang tatlo ka adlaw nga concerts ang banda sa bulan sang Enero sa masunod nga tuig kag matapos nga gin-anunsyo ang pagbaligya sang tickets, madasig naman ini nga naubos sa sulod sang pila ka minuto.
Madamo nga fans ang nagreklamo bangud sa pila ka oras nila nga indi ma-access ang websites kun sa diin makabakal sang tickets.
May pila pa nga nagreklamo nga nagabisyo pa ang mga websites.
Isa sa tuman nga ginkaakig sang mga ini ang gulpi nga pagbaligya sang nasambit nga mga tickets sang mga reselling platforms sa mas mataas nga kantidad.
Ang pinakabarato nga tickets kasi ang kabaylo sang kapin P2,000 samtang ang pinakamahal ang yara sa masobra P8,000 kun sa diin may masobra 10 milyon ka tawo ang naga-unahan agud makabakal sang yara sa 180,000 ka tickets.
Sa mga online reselling platforms sa India, naglab-ot sa pinakamahal sang masobra P600,000 ang isa ka ticket.
Ginakabig nga ang India sa karon ang target sang mga kilala nga singer kun sa diin nag-concert na sanday Ed Sheeran, Alan Walker kag Dua Lipa.
