Tigulang nakuryente-patay sa banwa sang Mambusao

ROXAS CITY – Patay na sang nasapwan ang bangkay sang isa ka senior citizen matapos ginaalegar nakuryente kahapon, Hunyo 27 sa Sitio Ibungon, Barangay Pinay, Mambusao, Capiz.

Ginkilala ang biktima kay Eliodoro Orocio, 79-anyos residente sang nasambit nga lugar.

Sa nakuha nga impormasyon sang Bombo Radyo sa Mambusao Municipal Police Station, nasapwan na lang ni Ernie Orocio ang iya amay nga wala na sang kabuhi nga ginakaptan ang duplex wire malapit electric water pump motor nga nagakonekta sa ila nga balay.

Nagaguwa sa imbestigasyon, nga samtang ginakay-o sang biktima ang ila electric water pump aksidente sini nga nakaptan ang duplex wire nga gintunaan sang iya pagkakuryente.

Ang biktima ang nag-angkon sang paso sa natuo nga butkon.