Naga-agunto ang pila ka mga van driver sa tuman nga epekto sang pagtaas sang presyo sang gatong sa ila nga kita.
Sa interview sang Bombo Radyo kay Fritz Castro, driver sang van, iya ginpahayag nga mas daku nga bahin sang ila nga kita ang nagakadtu sa ginatughong nga gatong rason nga gamay na lang ang ila nga mapauli sa ila nga mga pamilya.
Suno kay Castro, nagapabilin sa gihapon ang daan nga pletehan sa ila sini nga ruta.
*Roxas to Iloilo – P250
*Roxas to Estancia – P150
*Roxas to Kalibo – P170
Pahayag pa niya, daku nga kapierdihan sa ila sini nga pagbyahe kun gamay ang mga pasahero nga nagasakay. Nagalaum man ang natungdan nga gilayon na nga mahatag ang ginpromisa nga fuel subsidy sa ila agud makapiyan-piyan sa ginapas-an nila nga kabudlay sa padayon nga pagsakas sang presyo sang gatong.
