Gin-anunsiyo sang social media app nga TikTok nga ila ibalik ang serbisyo sa ila 170 million nga users sa US.
Ini ang kasunod sa ginhimo nga anunsiyo ni US President-elect Donald Trump nga hatagan sini sang assesment ang nasambit nga social media application kun magapungko na ini sa puwesto.
Suno sa Chinese-owned app nga ginakaayo na nila ang liwat nga pagbalik sang app sa US kag ginpasalamatan man nila si Trump bangud sa paghatag sang kaathagan kag kasiguruhan.
Nagpahayag man ang mga ini sang pagsuporta kag magabulig kay Trump para sa malawig nga solusyon kag mapabilin ang app nga TikTok.
Matanbdaan nga kahapon nga adlaw sang Dominggo, wala na nagagana ang pila ka million nga TikTok account sang mga users sini sa US matapos ang mapapasar ang layi sadtong Abril nga kakason ang nasambit nga app bangud ginapahayag nga pagduda sang US nga nagapatigayon sang pag-ispiya ang China sa ila pungsod.
