Natalana nga i-ban ang sikat nga platform sa internet nga TikTok sa United States of America nga ginapanag-iyahan sang isa ka Chinese company nga ByteDance sa Domingo, Enero 19, 2025.
Ini kadungan sang nangin desisyon sang Korte Suprema nga nagapabakod sa layi nga nagadumili sa nasambit nga platform.
Suno sa korte nga wala sang may ginalapas nga mga amendment rights sang TikTok nga sa karun may yara sang masobra 170 million users.
Natalana naman nga magapungko si President-elect Donald Trump bilang Presidente sang US sa Enero 20 isa ka adlaw matapos matabo ang pagban sa TikTok kung sa diin nakadepende kun anu ang palaabuton sang amu nga platform sa kamot ni Trump.
Apisar anay na nga ginsuportahan ni Trump sadtong 2024 ang mga tikang agud dumilian ang TikTok sa America, apang ginpalab-ot naman sini nga gintinguhaan niya nga ipakigbato ang pagpatuman sini.
Sa isa ka interview, ginhatagan niya sang pagtamod nga iya ginalauman kag ginsiling nga kinahanglan irespeto ang desisyon sang Korte Suprema.
Dugang pa sini, kinahanglan man nga maghatag sang tyempo agud hibaluon ang sitwasyon antes maghimo sang panibag-o nga mga desisyon may kaangtanan sa amu nga sitwasyon.
Gintuad man sini nga nakighinala siya kay Pangulong Xi Jinping sang China, subong man ang mga isyu sa importasyon.
Pahayag naman ni incoming national security Mike Waltz nga ginahimo ni President-elect Donald Trump ang iban pa nga mga tikang agud ma-‘preserve’ ang TikTok para sa mga amerikano nga luyag pa ini i-access kag subong man suno diri ang pagprotekta sa ila mga personal data.
