Duha ka mga impeachment complaints batuk kay President Ferdinand Marcos Jr. ang gin-file subong nga Enero 2026, ini ang labing una humalin nga nagpungko siya sa opisina sang 2022.
Matapos mabaton sang Office of the Secretary General sang Kamara ang mga reklamo kag gin-refer sa justice committee, maga-umpisa gilayon ang impeachment proceedings.
Yari ang timeline sang impeachment complaints batuk kay Marcos;
January 19
Nag-file si Atty. Andre De Jesus sang impeachment complaint batuk sa Presidente, nga nagaakusar sa iya sang betrayal of public trust kag culpable violation of the Constitution bangud sa pagmandu kag pagpahanugot nga i-kinap kag i-sungka si former President Rodrigo Duterte sa International Criminal Court, gin-akusar man si Marcos nga isa ka drug addict nga nakaapekto sa iya nga liderato kag napaslawan ini nga i-veto ang unprogrammed appropriations kag iban pa nga inconstitutional provisions sa national budget para sa 2023, 2024, 2025 kag 2026. Ini ang gin-endorso kay Pusong Pinoy party-list Rep. Jett Nisay. Nabaton mismo ni House of Representatives Secretary General Cheloy Garafil ang impeachment complaint ni De Jesus sang amo man nga adlaw.
January 21
Gin-forward ni Garafil ang complaint ni De Jesus sa Office of the Speaker Faustino “Bojie” Dy III.
January 22
Duha ka grupo, ang Makabayan coalition kag grupo sang mga anay government officials sang administrasyon ni former President Rodrigo Duterte , ang nag-attempt mag file sang ila tagsa ka mga impeachment complaints batuk kay Marcos.
Ang Makabayan complaint, gin-endorse sang party-list opposition lawmakers nga sanday Antonio Tinio sang ACT Teachers, Sarah Elago sang Gabriela kag Renee Co sang Kabataan party-list. Base sa ila alegasyon, naghimo sang betrayal of public trust ang president bangud sa adoption sang Baselined-Balanced-Managed (BBM) Parametric Formula sa pagpain sang infrastruction projects nga nagresulta sa “ghost,” substandard, kag verpriced flood management projects.
Samtang ang Duterte government officials naman ang wala makapakita ang ila complaint apang ginpahayag nga si Marcos ang utok sang kurapsyon sa likod sang maanomaliya nga flood control projects.
Sang amo nga adlaw, wala mabataon sang opisina Garafil ang complaint sang Makabayan bloc bangud indi sila otorisado nga obrahon ini samtang yara sa business si Garafil.
January 26
Nagtinguha liwat ang Makabayan coalition nga mag-file sang impeachment complaint batuk kay President Marcos.
Sa ika-duha nga try sang Makabayan, personal nga ginbaton ni Garafil ang reklamo kag indala ini sa opisina ni Speaker Dy.
January 27
Ginpahayag ni Committee on justice chairperson and Batangas 2nd District Rep. Gerville Luistro nga ang duha ka mga impeachment complaints ang tipunon para sa una nga hearing sa masunod nga semana.
January 28
Gin-issue sang justice panel ang notice of hearing para sa deliberasyon sang impeachment complaints sa Pebrero 2.
