*ANTES ‘LAS 2 SANG HAPON, HUWEBES, DEC. 18 – Si Cabral kag ang iya driver ang yara sa Kennon Road. Nag-untat si Cabral kag nagpungko sa edge sang dalan. Suno sa driver, iya ginpaandaman si Cabral sang tatlo ka beses nga indi magpungko sa edge sa diin iya ginpahayag nga “huwag umupo diyan kasi baka ma-off balance ka.” May pulis nga nagkadto sa ila kag ginmunohan nga maghalin sa area. Matapos sina, nagkaon sila malapit sa isa ka hotel kag nag-check in.
*ANTES 2:30 SANG HAPON – Naghingyo si Cabral sa driver nga papanaugon siya sa kaangay nga area sang Kennon Road kun sa diin siya nagpungko. Ginmanduan niya ng driver nga maghalin kag balikan na lamang siya agud sugaton. Nagsugot ang driver kag naghalin sa lugar.
*GINABANTA ‘LAS 3 SANG HAPON – Ini nga time frame ang ginakonsidera nga last confirmed period sang nakit-an sang driver nga buhi kag conscious si Cabral matapos niya nga ginpapanaog sa Kennon Road (Maramal/Camp 4-Camp 5 area).
*GINABANTA ‘LAS 5 SANG HAPON – Nagbalik ang driver sa drop off area kag wala na niya makita pa si Cabral. Wala man sang may nakakita kay Cabral sa amo nga area. Sa pagkadumdom sang driver, nagbalik na ini sa hotel apang sang ginlantaw niya ang hotel, wala man ang iya presensya.
*GINABANTA ‘LAS 7 SANG GAB-I – Liwat nga nagbalik ang driver sa Kennon Road area. Matapos nga mapaslawan nga makita si Cabral kag wala man sang impormasyon sa kun diin ini, gilayon niya nga gin-report ang insidente sa kapulisan.
*GINABANTA ‘LAS 8 SANG GAB-I – Nakit-an sang mga pulis si Cabral nga unconscious kag unresponsive sa kilid sang Bued River, ginabanta 20 tubtob 30 metros ang kadalumon nagikan sa highway sang Kennon Road. Ginreport ang insidente sa Tuba Municipal Police Station.
*GINABANTA 12:03 SANG KAAGAHON SANG BYERNES, DEC. 19 – Gindeklara nga patay si Cabral. Ang insidente ang padayon nga imbestigaran samtang nagmandu na ang Office of the Ombudsman sa mga otoridad nga i-secure ang iya pagkabutang para sa imbestigasyon.
Nahibaluan nga si Cabral ang nag-resign sang Setyembre 2026 kasunod sang corruption scandal may kaangtanan sa maanomaliya nga flood control projects.
Siya ang nalakip sa mga opisyal nga naangot sa ginaalegar kickback schemes sa Department of Public Works and Highways kag ginrekomenda nga pasakaan sang kaso.
