Manami gid di bala ang magtulog?
Pero kun sa imo nga pagbugtaw, makabatyag ka man lang sang pagpalanakit sang imo nga lawas, basi indi ka na manamian magtulog.
May panugyan ang pain medicine specialist nga si George Girgis sang simple lang nga mga solusyon.
Suno sa iya, maglikaw sa pagkaon nga naga-promote sang inflammation. Pilion mo ang madamo nga utan, prutas, whole grains kag seafoods bangud ginapataas sini ang antioxidants nga nagabulig sa pag-reduce sang inflammation.
Likawan man ang pagpanigarilyo bangud ang sigarilyo nagapugong sa oxygenated blood nga makalab-ot sa aton tul-an kag tissues.
Ginalimit man sini ang exchange sang oxygen kag carbon dioxide sa dugo, gani naganubo man ang blood quality nga nagaresulta sa mahina nga muscles.
Mag- exercise apang indi mo ini pagpatam-an.
Ang movement naga- lubricate sang joints gani nga makalikaw sa pain kag stiffness.
Apang, maghalong bangud ang pag-exercise kun malapit ka na lang magtulog ang mahimo nga magresulta sa insomnia.
