Nag-alalay sa dalagan sang trapiko ang mga katapo sang Traffic Management Unit (TMU) kadungan sang pagguba sang haligi sang arko sa boundary sang Barangay Balijuagan, Roxas City kag banwa sang Ivisan.
Sa interview sang Bombo Radyo kay Ricardo Aragon, traffic enforcer nga nadesignar sa lugar, iya ginpahayag nga nakatutok gid ang ila talatapan sa pagbantay kag nagbutang man sang mga signages agud malikawan ang traffic kag disgrasya sa dalan.
Suno kay Aragon, ginahingyo man nila ang mga motorista nga maghinay sang padalagan samtang nagapalapit sa boundary.
Nahibaluan nga apat na ka kabuhi ang nadula bangud sang arko rason nga nagpanikasog ang City Engineers Office sa bulig sang Roxas City Government agud gilayon nga magguba kag mapalapad ang dalanon sa nasambit nga lugar.
Duagang pa sang natungdan, magapadayon ang ila pagbantay kag pag-alalay mintras indi pa matapos ang pagguba sang haligi sang arko
