-- ADVERTISEMENT --
ROXAS CITY – (Update) Ginpasakaan na sang kaso nga Theft ang 20-anyos nga tomboy nga akto nadakpan nga nagpangawat sa isa ka tiyangge sa Sitio Pamungbungan, Brgy. Milibili, Roxas City.
Matandaan nga ginkilala ang suspek kay Christina Villarin, 20-anyos kag residente sang Brgy. Dumolog, sini nga syudad.
Nadakpan si Villarin sang mag-utod nga Kim kag Jan Carlo Lajo, nga nagapaguwa sa ila tiyangge sa kaaganhon sang Marso 24.
Nakuha sa posesyon sang suspek ang nanari-sari nga groceries nga nagabalor tanan sa ginabulubanta P3,667 kag pliers nga ginapatihan gingamit sini sa pagbukas sang porsyon sang amu nga balaligyaan.
Padayon man ang imbestigasyon sang mga kapulisan sa ginpangtuad nga kaupdanan ni Villarin sa pagpangawat.
-- ADVERTISEMENT --
