-- ADVERTISEMENT --
Ginhaboy sa gilid sang kalsada, ang tonelada sang preska nga kamatis sa Bayombong, Nueva Vizcaya.
Suno sa Nueva Vizcaya Agricultural Terminal (NVAT), nagnubo ang demand bangud nagdungan ini sa harvest sa iban nga bahin sang Central Luzon kag Ilocos Region.
Sa syudad sang Dagupan, nabatyagan ang epekto matapos nga nagnubo ang presyo sa ₱10 tubtob ₱20 kada kilo gikan sa ₱260 sang nagligad nga tuig.
Agud malikawan ang mga produkto nga mausik, ang NVAT nagaplano sa pagbuligay sa mga NGO para sa isa ka sistema sang barter trade kabaylo sang mga grocery items.
Sa subong nagakoordinar ang mga opisyales sa Department of Agriculture agud mahatagan sang gilayon nga aksyon ang krisis nga gina-atubang sang mga lokal nga mangunguma.
-- ADVERTISEMENT --
