ROXAS CITY – Arestado ang ginakabig nga Top 1 most wanted person sa banwa sang Pilar matapos ginserbihan sang mandamiento de aresto sang mga kapulisan sa Barangay San Nicolas sa nasambit nga banwa.
Ginkilala ang arestado kay Felomino Bacaling Baniola alias “Minot” 72- anyos, kag residente man sang nasambit nga barangay.
Kaso nga paglapas sa R.A 8353 ukon Anti-Rape Law of 1997 ang ginapangatubang sang nasambit nga akusado.
Ang warrant of arrest ang ginpapanaog kag gin-isyu ni Hon. Faustino Valenzuela Roxas Jr., Presiding Judge, RTC 6th Judicial Region, branch 14 Roxas City, Capiz napetsahan Mayo 31, 2022.Wala naman sang pyansa nga ginrekomendar ang korte para sa iya temporaryo nga kahilwayan.
Sa karun, yara na sa kustodiya sang Pilar Municipal Police Station si Baniola para sa nagakaigo nga disposisyon.
