Arestado ang isa ka lalaki nga ginakabig Top 1 Most Wanted Person sa Municipal Level matapos ginserbihan sang mandamiento de aresto sang mga kapulisan sa Sitio Cabaldon, Barangay Poblacion, President Roxas, Capiz.
Ginkilala ang akusado ky Ramon Maligaya, 23-anyos nga residente sang nasambit nga lugar.
Nahibaluan nga nagapangatubang sang kaso nga paglapas sa Republic Act 10591 ukon Compehensive Firearms and Ammunition Regulation Act ang akusado.
Ang warrant of arrest ang ginpapanaog kag ginpirmahan ni Judge Kristine Tinangco-Vinculado sang Regional Trial Court, Branch 15, Roxas City napetsahan sadtong Agosto 17, 2022.
Ginrekomendar naman sang korte ang P200,000 nga piyansa para sa temporaryo sini nga kahilwayan.
Sa karon yara na sa paghinakop sang Pres. Roxas MPS ang akusado para sa nagakaigo nga disposisyon.
