ROXAS CITY – Arestado ang 47-anyos nga lalaki nga ginakabig Top 1 Most Wanted person sa syudad sang Roxas matapos nga ginserbehan sang mandamiento de aresto sang mga katapo sang kapulisan.
Ginkilala ang arestado kay Billy Gaborne residente sang Plaridel St. Barangay VIII sini nga syudad.
Ba-se sa impormasyon nga gikan sa Roxas Component City Police Station (RCCPS), nagapangatubang sa kaso sa paglapas RA 9165 ukon “Comprehensive Dangerous Drugs Act of 2002” si Gaborne.
Ang warrant of arrest ang gin-isyu kag ginpirmahan ni Hon. Judge Esperanza Isabel Poco-Deslate, RTC, Branch 19, Roxas City napetsahan Agosto 2, 2022.
Wala sang may ginrekomendar nga piyansa ang korte para sa temporaryo kahilwayan sang arestado.
Sa karon, yara na sa paghinakup sang Roxas City PNP si Gaborne para sa nagakaigo nga disposisyon.
