ROXAS CITY – Arestado ang isa ka lalaki nga ginakabig Top 4 Most Wanted Person sa Regional Level matapos ginserbihan sang warrant of arrest sa Pueblo De Panay, Brgy. Lawa-an, Roxas City.
Ang wala na ginhingadlan nga akusado ang isa ka 30-anyos nga residente sang Sitio Tunga, Brgy. Banica, Roxas City.
Nagapangatubang sa kaso nga 3 counts of Statutory Rape ang amu nga akusado.
Ang warrant of arrest ang ginpapanaog kag ginpirmahan ni Hon. Eric Anthony A. Dumpilo, Acting Presiding Judge, Regional Trial Court, Branch 14, Roxas City nga napetsahan Oktubre 16, 2024.
Wala naman sang piyansa nga ginrekomendar ang korte para sa temporaryo sini nga kahilwayan.
Sa karon, nagapabilin sa kustodiya sang Roxas City PNP ang arestado para sa nagakaigo nga disposisyon.
