Arestado ang ginakabig nga top 4 most wanted person sa Municipal level matapos ginserbihan sang warrant of arrest sa Poblacion, Dumalag, Capiz.
Ang arestado amo si alyas “Jun”, yara sa legal nga pang-edaron kag residente sang Barangay Sta. Cruz, Dumalag, Capiz.
Nahibaluan nga ang warrant of arrest ang gin-isyu kag gin permahan ni Hon. Judith Orendain Tonogbanua, Presiding Judge, Regional Trial Court, 6th Judicial Region, Branch 20, Mambusao Capiz, napetsahan sang Oktubre 7, 2025.
Magapangatubang sa kaso nga paglapas sa Violation of Crime of Acts of Lasciviousness ang amo nga arestado.
Naglab-ot naman sa P 188,000 ang piyansa nga ginrekomendar sang korte para sa iya temporaryo sini nga kahilwayan.
Sa karon, yara na ini sa kustodiya sang Dumalag Municipal Police Station para nagakaigo nga disposisyon.
