Arestado sang mga otoridad ang ginakabig top 4 most wanted person sa regional level, top 3 sa Provincial level kag top 2 sa Municipal level pinaagi sa pagserbi sang warrant of arrest sa Barangay Poblacion, Dumalag, Capiz.
Ang nadakpan amo si alyas “Ipe”, yara sa legal nga pang-edaron kag residente sang Barangay Sto. Rosario, Dumalag, Capiz.
Magapangatubang sa kaso nga paglapas sa 4 counts of Qualified Rape ang akusado sa diin ang warrant of arrest ang gin-isyu kag ginpermahan ni Hon. Judith Orendain Tonogbanua, Presiding Judge, Regional Trial Court, 6th Judicial Region, Branch 20, Mambusao Capiz, napetsahan sang Oktubre 7, 2025.
Wala naman sang piyansa nga ginrekomendar ang korte para sa temporaryo sini nga kahilwayan.
Sa karon, yara na ini sa kustodiya sang Dumalag Municipal Police Station para sa nagakaigo nga disposisyon.
