ROXAS CITY – Arestado ang Top 9 Most Wanted Person in Municipal Level matapos ginserbihan sang warrant of arrest sang mga kapulisan sa banwa sang Pontevedra.
Ang wala na gin hingadlan nga persona ang yara sa legal nga pang-edaron kag residente man sang nasambit nga banwa.
Nagapangatubang sa kaso nga Homicide ang nasambit nga arestado kag ang warrant of arrest sini ang ginpapanaog kag ginpirmahan ni Hon. Arnelo Cabiles Mesa, Acting Presiding Judge RTC, 5th Judicial Region, Branch 45, Masbate City, Masbate kag napetsahan sadtong Pebrero 24, 2021.
Ginrekomendar naman sang korte ang piyansa nga kapin P120,000 para sa temporaryo sini nga kahilwayan sang akusado.
Sa karon yara na ini sa kustodiya sang Pontevedra PNP para sa nagakaigo nga disposisyon.
