Nagtakop na ang kampanya sa US Open sang duha ka sikat nga tennis star nga sanday Carlos Alcaraz kag Naomi Osaka.
Si Alcaraz ang ginpiyerde ni Botic van de Zandschulp sang The Netherlands sa second round sang torneo.
Samtang si Osaka ang ginlutos ni Karolina Muchova sang Czech Republic.
Nakuha sang Dutch tennis star ang 6-1, 7-5, 6-4 nga score para dalayon nga tapuson ang Spanish tennis star nga si Alcaraz.
Samtang ang number 52 nga si Muchova nakuha ang 6-3, 7-6 (7-5) nga kadalag-an batuk kay Osaka.
Gin-ako ni Alcaraz nga nalabawan siya sang iya nakasumpong nga unseeded nga si van de Zandschulp.
Indi man mapanginwala ni Osaka nga nag-angkon pa siya sang adjustments bangud sa ini ang una nga kahigayunan nga nakahampang sa US Open.
Sadtong nakaligad nga tuig wala ini nakapasakop matapos nga ginbun-ag ang subang nga anak.
Masunod naman nga makaatubang ni Muchova si Anastasia Potapova sang Russia sa last 16.
