-- ADVERTISEMENT --
Ginpakigbahin sang anay PNP Chief kag Senador Panfilo Lacson nga may yara sang popular nga resort casino hotel nga handa nga magbukas sang ballroom para sa ‘charity boxing match’ sa tunga nanday PNP Chief General Nicolas Torre III kag Davao City Acting Mayor Baste Duterte.
Una na nga ginhangkat ni Duterte si Torre nga magsumbaganay matapos ginpahayag nga maisog lamang ang PNP Chief bangud yara ini sa posisyon.
Gilayon man nga ginbaton ni Torre ang pagpanghangkat ni Duterte sa iya kag ginsiling nga himuon ini nga ‘charity boxing match’ sa diin ang tanan nga ‘proceeds’ ang ihatag sa mga biktima sang bagyo.
