-- ADVERTISEMENT --
Ginpabugal sa isa ka dako nga LED display sa Time Square sa New York, USA ang nagkalain-lain nga mga tourist destination sa Pilipinas kung sa diin ginpakita ang kaanyag sang pungsod.
Ang 15 segundo nga video, makit-an sa Broadway sa 44th Street kag 45th Street sa Times Square kung sa diin magadugay tubtob sa bag-ong tuig.
Magluwas sa video campaign makit-an man ang ‘Love the Philippines’ banner sa mga taxi sa New York City.
Suno sa Department of Tourism (DOT) ang nasambit nga mga video campaign sang ahensya sa US partikular sa New York ang nagabalor sang masobra P2-M.
Bangud sini, nagalaum ang ahensya nga pinaagi sang kasubong sini nga programa makaganyat pa sang mas madamo nga turista nga luyag magbisita sa Pilipinas.
-- ADVERTISEMENT --
