Ginkahangawa ni Tingog Rep. Jude Acidre ang ginpakita nga “toxic behavior” ni Vice President Sara Duterte nga kaangay indikasyon kadulaan sang intsakto sini nga paminsaron.
Suno kay Acidre, sa baylo nga sabton ni Duterte ang mga pamangkot may kaangtanan sa paggamit sang iya P612.5-M nga confidential fund nag-drama pa ini.
Pahayag sini nga kaangay wala ginhatagan sang Bise-Presidente sang dignidad ang iya talatapan.
Ang nasambit nga pahayag, ginhimo ni Acidre matapos ang pagpangapin sini sa Batasan Complex matapos nga ginpreso ang iya chief of staff nga si Zuleika Lopez.
Dugang pa sang Representative nga kinahanglan lamang nga himuon ni Duterte, sabton ang sala nga paggamit sini sang confidential fund sang Office of the Vice President (OVP) kag Department of Education, sa idalum sang iya pagpamuno.
Ginkwestyon man sang mamalidha ang mga pahayag ni Duterte batuk sa mga lider sang pungsod, kalakip na si Speaker Martin Romualdez.
