ROXAS CITY – Ginpapreso sang service crew sang isa ka burger stand ang isa ka traffic auxiliary bangud sa kapaslawan nga magbayad sang ginkaon nga burger.
Ginkilala ang traffic auxiliary nga si Vincent de la Cruz sang Inzo Arnaldo Village, Roxas City.
Nagpadulong sa Angel’s Burger si traffic auxiliary de la Cruz kag nag-order sang buy one take one nga burger.
Apang sang maubos na sini kaon ang burger kag ginsukot na sang service crew nga si Robelyn Praira sang Barangay Balatucan, Sigma, wala na ini sang may ibayad.
Ginaalegar pa ni Perayra nga ginpahog pa siya ni De la Cruz, nga nagtulod sa iya para magpangayo sang responde sa mga kapulisan nga nagdakup sa nasambit nga traffic auxiliary.
Nahibaluan nga indi lamang ini makaisa ka bes nga ginhimo sang nasambit nga traffic auxiliary, bangud sadto nag-order kag nagkaon ini sang burger nga wala man ginbayaran.
