Traffic Auxiliary nagparekord sa pulisya matapos nga ginaalegar tuyo bun-on sang ice pick

ROXAS CITY – Nagparekord sa Roxas City Police Station ang isa ka traffic auxiliary matapos nga ginaalegar nga tuyo kuntani bun-on sang ice pick sa guwa sang isa ka daku nga mall sa Arnaldo Boulevard, Roxas City.

Ginkilala ang tagreklamo nga si Orlito Villarino sang Barangay Baybay sining siyudad.

Sandig sa ginpabalhag sang tagreklamo nga ginpapundo lamang sini ang suspek nga si Alias Kapid Bengan sang Barangay Tanque sining siyudad matapos nga nagabiyahe sang colorum nga tricycle.

Ginkaakig naman ini sang suspek sa diin ginaalegar nga tuyo pa kuntani sini bun-on gamit ang ice pick kag bungguan ang nasambit nga tagreklamo.

Bangud diri, ginpakamaayo na lamang sang tagreklamo nga iparekord sa pulisya ang insidente.