MANILA, Philippines – Nagpanawagan ang transport group nga Manibela sang P10,000 nga bulanan nga cash assistance para sa mga PUV drivers imbes nga isa lang ka beses nga P5,000 nga bulig.
Suno kay Mar Valbuena, kulang gid ang P5,000 bangod sa padayon nga pagsaka sang presyo sang gatong kag iban pa nga gastuhan.
Ginpahayag niya nga mas makatarungan kun hatagan ini duha ka beses kada bulan ukon himuon nga P10,000 kada bulan para makabulig sa mga drayber.
Ang cash assistance ginhalinan sang Department of Social Welfare and Development (DSWD), apang ginreklamo sang grupo nga madamo sa ila miyembro ang wala nakabaton bangod gin-tag nga indi kwalipikado.
Samtang, ginpahayag man sang mga labor group nga ang benepisyo sang fuel subsidy kag cash aid mas nagapabor sa dagko nga oil companies kaysa sa mga driver kag operator.
